Die Tsitsikamma Nasionalepark op die Tuinroete is een van die mooiste plekke in Suid-Afrika met sy inheemse woude, loodregte kranse en pragtige kuslyn. Die 1 km lange mondwandelpad van die ruskamp tot by Stormsriviermond is die gewildste staproete in die park en die hoogtepunt is die drie hangbrûe by die riviermond self. Die oudste een van die drie steek die rivier oor terwyl die twee mees onlangse toevoegings oorgesteek word soos mens die rivier met die paadjie langs nader. Die enigste waarskuwing wat ek het vir besoekers is dat daar baie trappies op die staproete is en nie sommer aangepak moet word as mens moelik stap nie.
Showing posts with label Tuinroete. Show all posts
Showing posts with label Tuinroete. Show all posts
Friday, November 9, 2012
Stormsriviermond hangbrûe
Kategorieë:
brug,
Ooskaap,
rivier,
Tsitsikamma,
Tsitsikamma nasionale park,
Tuinroete
Waar is die fotos geneem:
N2, South Africa
Tuesday, September 18, 2012
Houtkappershuisie
Met sy inheemse woude vasgedruk tussen 'n pragtige kuslyn en die Tsitsikammabergreeks en bruingekleurde riviere wat daardeur vloei is die Tsitsikamma een van my gunsteling plekke in Suid-Afrika. Wanneer mens die dorpie Stormsrivier besoek vind jy hierdie ou bosbouhuisies langs Eikelaning wat van die dorpie na die ou pad deur die woud lei.
Kategorieë:
Ooskaap,
Tsitsikamma,
Tuinroete,
woude
Waar is die fotos geneem:
107 Darnell St, Stormsrivier 6308, South Africa
Monday, September 10, 2012
Knysnakoppe
Die Knysnakoppe by Knysna in die Weskaap is een van Suid Afrika se bekendste natuurlike landmerke en word gereeld in reistydskrifte en brosjures gesien. Die Koppe is ook een van die gevaarlikste ingange tot 'n natuurlike hawe in die wêreld met menige bote wat al hier deur die branders omgeslaan is of op die rotse geloop het.
Kategorieë:
Knysna,
kuslyn,
landskappe,
Tuinroete,
Weskaap
Waar is die fotos geneem:
4 View Point, Knysna 6571, South Africa
Tuesday, August 21, 2012
Bloukransbrug Bungee
Teen 216 meter hoog is die Bloukransrivierbrug op die grens tussen die Ooskaap en Weskaap die hoogste brug in Afrika. Die brug is een van vyf enkelboogbetonbrûe op die N2 tussen Port Elizabeth en Plettenbergbaai en is 415meter lank. Maar dis nie regtig hoekom ons hier is nie, is dit?
Die eintlike rede hoekom die Bloukransrivierbrug bekendheid verwerf het is die feit dat dit ook is waar die hoogste brugrekspronge (bungee) in die wêreld plaasvind. Alhoewel honderde adrenalienverslaafdes elke jaar van die brug afspring met 'n tou om hulle enkels dink ek dat mens ten minste 'n klein bietjie van lootjie getik moet wees om jouself daar af te gooi. As jy na die ouens (en meisies) kyk na hulle weer van die brug afkom is die een ding wat mens wel dadelik raaksien die "post bungee grin" wat heeltemal om hulle koppe sou gaan as hulle nie ore gehad het nie.
Ek voeg hierdie derde foto by net om te wys hoe een van daai malletjies lyk daar waar hulle tussen hemel en aarde hang.
Waar is die fotos geneem:
N2, South Africa
Friday, August 10, 2012
Plettenbergbaai sonopkoms
Sonopkoms en sonsondergang fotos is van my gunsteling fotos om te neem. So rukkie terug het ons 'n naweek op Plettenbergbaai deurgebring. Dit was 'n bibberend koue oggend en ek het maar gesukkel om uit die bed te kom, maar wou graag op die strand wees vir sonopkoms. Dit was die moeite werd, want daardie oggend het ek van my gunsteling sonopkoms fotos geneem. Die enigste probleem was dat ek gevoel het dat ek 'n fokuspunt of onderwerp in die voorgrond wou hê en daar nie regtig iets was nie. Onnodig om te sê dat as enige iemand my daai oggend gesien het op en af hardloop op die strand, hulle seker lekker sou gelag het.
Kategorieë:
Plettenbergbaai,
sonopkoms / sonsondergang,
Tuinroete,
Weskaap
Waar is die fotos geneem:
9 Alguada Reef Dr, Plettenberg Bay 6600, South Africa
Saturday, August 4, 2012
Dias Museum
Daai dag in 1488 toe Bartolomeu Dias in 'n storm om die Kaap gevaar and kort daarna in wat vandag Mosselbaai is geland het, sou hy seker nooit kon raai dat op daardie selfde plek vandag 'n museum sou staan wat sy naam dra nie. Die Dias Museum kompleks het 'n fantastiese verskeindenheid van attraksies en sluit 'n skulpiesmuseum, die Munrohoekhuisies, die oorspronklike varswaterfontein waar Dias se matrose water geskep het om aan boort te neem en die Poskantoorboom in. Die Poskantoorboom is 'n 800 jaar oue melkhoutboom waar vroeë matrose boodskappe in ou skoene gelos het met die hoop dat bote oppad terug Portugal toe dit sou optel en terugvat.
Die hoofrede hoekom mense na die Dias Museum toe kom is die Maritime Museum wat 'n lewensgrote replika van die karveel waarmee Dias en sy bemanning in 1488 die groot onbekende aangevat het bevat. Die replika is 500 jaar na die oorspronklike een gebou en is in 1988 vanaf Portugal na Suid-Afrika gevaar voor dit in die museum gehuisves is.
Kategorieë:
Mosselbaai,
museum,
Tuinroete,
Weskaap
Waar is die fotos geneem:
7 Market St, Mossel Bay 6500, South Africa
Saturday, July 21, 2012
Seepampoentjie
Almal wat al langs 'n Suid-Afrikaanse strand gestap het moes die een of ander tyd êrens 'n seepampoentjie opgetel het. Ek weet 'n seepampoentjie is 'n "sea urchin" in Engels, maar het nog altyd gewonder of dit dalk 'n ander naam in Afrikaans het wanneer dit nog leef. Die eerste een wat ek besluit om te vra was my goeie vriend Google. Hy laat my selde in die steek en hierdie geleendheid was nie anders nie. Penny Nyren se boek Ontdek Stande was bo-aan die soeklys en daarin sê sy dat 'n lewende seepampoentjie 'n see-engel genoem word. See-engele woon gewoonlik op koraalriwwe of in rotspoele en het skerp penne wat hulle hele dop (skulp) bedek. Hierdie gevaarlike penne word gebruik om hulle te beskerm en is gewoonlik giftig. Probeer om nie in een van hulle te trap nie, want daardie einste penne breek maklik in jou voet af en kan maklik infeksie veroorsaak. Die seepampoentjie in die foto het ek gekry op 'n rots by die Knysnakoppe en moes deur iemand daar neergesit geword het nie lank voor my nie.
Waar is die fotos geneem:
36 George Rex Dr, Knysna 6571, South Africa
Friday, July 6, 2012
Eersterivier sonsondergang
Kategorieë:
kuslyn,
Ooskaap,
sonopkoms / sonsondergang,
Tsitsikamma,
Tuinroete
Waar is die fotos geneem:
R102, South Africa
Wednesday, July 4, 2012
Tsitsikamma inheemse woud
Driehonderd jaar gelede het die inheemse woude van die Suidkaap al die pad van omtrent Mosselbaai tot by Humansdorp in die ooste gestrek. Gedurende die laat 18de en die 19de eeu is groot dele van die woude afgekap om die aanvraag van hout vir die bou van skepe, die spoorweë, geboue en meubels te bevredig. Dit gepaart met die groot vuur van 1869 en moderne ontwikkeling het daartoe gelei dat daar vandag net 'n klein persentasie van die oorspronklike woud oor is met die grootste dele in die Knysna en Tsitsikamma omgewings. Die meeste van hierdie oorblywende woude word vandag streng beskerm en val binne die Tuinroete-nasionale park. Die Plaatbos Natuurreservaat seksie van die woud is geleë in die Stormsrivier area aan die oostekant van die park.
Kategorieë:
Ooskaap,
Tsitsikamma nasionale park,
Tuinroete,
Tuinroete-nasionale park,
woude
Waar is die fotos geneem:
36 Darnell St, Stormsrivier 6308, South Africa
Friday, June 15, 2012
Die padda wou gaan opsit...
Een van die heel eerste fotos wat ek geneem het toe ek my eerste digitale kamera gekoop het was 'n padda in 'n poel onder 'n waterval in die Tsitsikamma-nasionalepark. Elke keer as die na die foto kyk dan hoor ek die kinderliedjie van die padda wat wou gaan opsit. So sommer net vir snaaks wees plaas ek die liedjie se woorde.
Die padda wou gaan opsit by sy nooi in die vlei aham,
die padda wou gaan opsit by sy nooi in die vlei aham,
die padda wou gaan opsit by sy nooi in die vlei,
maar ‘n opsitkers kon hy nêrens kry
aham aham aham
Hy vra toe ‘n vuurvlieg om lig uit te huur aham,
hy vra toe ‘n vuurvlieg om lig uit te huur aham,
hy vra toe ‘n vuurvlieg om lig uit te huur ,
die vuurvlieg sê toe ja teen ‘n sent ‘n uur
aham aham aham
Die twee loop toe af na die nooi se huis aham,
die twee loop toe af na die nooi se huis aham,
die twee loop toe af na die nooi se huis ,
die huis in die vlei van mejuffou muis
aham aham aham
Toe padda die vuurvlieg se lampie wou leen aham,
toe padda die vuurvlieg se lampie wou leen aham,
toe padda die vuurvlieg se lampie wou leen,
het hy hierdie onstellende nuus verneem
aham aham aham
Vuurvlieg se lamp is aan sy stert vasgeswys aham,
vuurvlieg se lamp is aan sy stert vasgeswys aham,
vuurvlieg se lamp is aan sy stert vasgeswys,
hy sou moes opsit saam met padda en sy muis
aham aham aham
Die padda het die vuurvleig maar huistoe gestuur aham,
die padda het die vuurvlieg maar huistoe gestuur aham,
want ‘n opsit lig teen ‘n sent ‘n uur
en 'n luistervink daarby is gans te duur
aham aham aham
die padda wou gaan opsit by sy nooi in die vlei aham,
die padda wou gaan opsit by sy nooi in die vlei,
maar ‘n opsitkers kon hy nêrens kry
aham aham aham
Hy vra toe ‘n vuurvlieg om lig uit te huur aham,
hy vra toe ‘n vuurvlieg om lig uit te huur aham,
hy vra toe ‘n vuurvlieg om lig uit te huur ,
die vuurvlieg sê toe ja teen ‘n sent ‘n uur
aham aham aham
Die twee loop toe af na die nooi se huis aham,
die twee loop toe af na die nooi se huis aham,
die twee loop toe af na die nooi se huis ,
die huis in die vlei van mejuffou muis
aham aham aham
Toe padda die vuurvlieg se lampie wou leen aham,
toe padda die vuurvlieg se lampie wou leen aham,
toe padda die vuurvlieg se lampie wou leen,
het hy hierdie onstellende nuus verneem
aham aham aham
Vuurvlieg se lamp is aan sy stert vasgeswys aham,
vuurvlieg se lamp is aan sy stert vasgeswys aham,
vuurvlieg se lamp is aan sy stert vasgeswys,
hy sou moes opsit saam met padda en sy muis
aham aham aham
Die padda het die vuurvleig maar huistoe gestuur aham,
die padda het die vuurvlieg maar huistoe gestuur aham,
want ‘n opsit lig teen ‘n sent ‘n uur
en 'n luistervink daarby is gans te duur
aham aham aham
Kategorieë:
diere,
liedjies / rympies,
reptiele,
Tsitsikamma,
Tsitsikamma nasionale park,
Tuinroete
Waar is die fotos geneem:
R102, South Africa
Thursday, May 17, 2012
Tsitsikamma kuslyn
Die Tsitsikamma, plek van baie water, is sonder twyfel een van Suid-Afrika se asemrowendste streke. Digte groen inheemse woude waar woudreuse van oor die 800 jaar oud staan word van die blou see geskei deur loodregte kranse. 'n Ongerepte kuslyn met wit skuimende branders wat hulleself te pletter slaan op swart rotse. Dolfyne en walvisse, otters in 'n sloep, luiperds teen die berg en die skugter Knysnaloerie wat tussen die boomtoppe rondbeweeg. Stories van houtkappers uit die ou dae, olifantvoetpaaie en wie weet, miskien 'n bosgees of twee. Duidelik een van die mooiste en aanloklikste landskappe aan ons land se kus.
Kategorieë:
kuslyn,
landskappe,
Ooskaap,
Tsitsikamma,
Tuinroete
Waar is die fotos geneem:
R102, South Africa
Subscribe to:
Posts (Atom)


+1.jpg)
